洛桑扎巴之前稽首礼

བློ་བཟང་གྲགས་པའི་དཔལ་ལ་མགོས་ཕྱག་འཚལ།། 洛桑扎巴之前稽首礼！

洛桑扎巴之前稽首礼

༄༅།།ན་མོ་གུ་རུ་མཉྫུ་གྷོ་ཥཱ་ཡ།

南无咕汝曼孜敦咔雅

敬礼上师文殊师利

བློ་ཆེན་རྒྱལ་བ་རྣམས་ཀྱི་སྤྱན་སྔ་རུ།།

བཟང་པོའི་སྨོན་ལམ་རླབས་ཆེན་གྲུབ་པའི་མཐུས།།

གྲགས་པའི་སྒྲ་ཆེན་ཐུབ་བསྟན་འགྲོ་བའི་དཔལ།།

བློ་བཟང་གྲགས་པའི་དཔལ་ལ་མགོས་ཕྱག་འཚལ།།

于诸大慧胜者之面前，

成就普贤伟大愿威力，

大称圣教众生之吉祥，

洛桑扎巴之前稽首礼！

དཔག་ཡས་ཚོགས་གཉིས་ཀུན་གྱི་རྩེ་མོར་སོན།།

བགྲང་ཡས་རྒྱལ་བ་ཀུན་གྱི་རིང་ལུགས་འཛིན།།

མཐས་ཡས་འགྲོ་བ་ཀུན་གྱི་དགེ་བའི་བཤེས།།

བསམ་ཡས་ཡོན་ཏན་ཀུན་གྱི་གཏེར་ལ་འདུད།།

抵达无量二资粮顶峰，

执持无数胜者之远规，

一切无边众生善知识，

不可思议功德藏前礼！

གངས་ཅན་ཤར་ཕྱོགས་ཙོང་ཁའི་སྐྱེད་ཚལ་དུ།།

དལ་འབྱོར་ཡོངས་འདུའི་རྩ་བ་རབ་བརྟན་ཅིང་།།

ཡོན་ཏན་ཡལ་གས་ཕྱོགས་ཀྱི་མཐའ་འཇལ་བ།།

སྙན་གྲགས་དྲི་བསུང་འཕྲོ་བ་ཁྱོད་ལ་འདུད།།

雪域东方宗喀安乐园，

暇满如意树根极坚固，

功德枝条伸向诸方际，

散发雅誉芳香尊前礼！

དྲི་མེད་མཁྱེན་ཡངས་འཇིགས་བྲལ་གཞོན་བློ་སོགས།།

གངས་ཅན་མཁས་པའི་མཁས་པ་ཀུན་བསྟེན་ནས།།

སྤྱི་དང་ཁྱད་པར་གཞུང་ལུགས་མཐའ་དག་ལ།།

རྨོངས་པའི་མུན་ཀུན་སངས་པ་ཁྱོད་ལ་འདུད།།

依止净智离畏童慧等，

雪域一切智者中智者，

对于总别诸教典宗规，

醒觉一切愚暗尊前礼！

རྙོག་བྲལ་ཚུལ་ཁྲིམས་བརྟུལ་ཞུགས་རྒྱ་མཚོ་ཆེར།།

མང་ཐོས་ལུང་རིགས་ནོར་བུས་ལྷག་པར་གཏམས།།

མཁས་མཆོག་ཀླུ་དབང་ཀུན་གྱིས་གུས་པས་བསྟེན།།

རྣམ་དཔྱོད་གཏིང་མཐའ་མེད་ལ་གསོལ་བ་འདེབས།།

远离浊乱戒禁大海中，

多闻教理珍宝极充满，

诸胜善巧龙王咸敬依，

智慧难测者前诚祈请！

ཁྱོད་བློའི་ཉི་མ་གཞོན་ནུའི་དུས་ཀྱི་ཚེ།།

མདོ་དང་རྒྱན་གྱི་པད་ཚལ་རྒྱས་མཐོང་ནས།།

བདག་བློ་ཁེངས་པའི་ཀུ་མུད་ལྷག་པར་ཟུམ།།

ཟབ་ཡངས་མཁྱེན་པའི་གཏེར་ལ་གསོལ་བ་འདེབས།།

睹见尊心慧日初升时，

一切经续莲园已盛开，

我心㤭慢睡莲却紧闭，

深广智藏尊前诚祈请！

བྱང་ཕྱོགས་འདི་ན་ཚིག་ཙམ་བྱང་བའང་དཀོན།།

དོན་ལ་སྒྲོ་འདོགས་ཆོད་པ་དེ་བས་དཀོན།།

བསྟན་དོན་ཉམས་སུ་ལེན་པ་སྲིད་མཐའ་ཙམ།།

འདི་གསུམ་མཐར་ཕྱིན་ཁྱོད་ལ་སྙིང་ནས་འདུད།།

北方娴熟文者尚少有，

于义断除增益者更希，

修持佛教义者仅容有，

三皆究竟尊前至心礼！

ལ་ལ་རིགས་བྲལ་ལུང་གིས་གྲུབ་མཐའ་འཇོག།

ཁ་ཅིག་ལུང་མེད་རིགས་པ་ལྟར་སྣང་རྩོམ།།

ལུང་རིགས་གཉིས་ཀས་རྒྱལ་བའི་གསུང་རབ་ཀུན།།

ལེགས་པར་འབྱེད་པ་ཁྱོད་ལ་གུས་ཕྱག་འཚལ།།

有者离理安立教宗义，

有者无教撰著相似理，

胜者一切经教以教理，

俱善分辨尊前恭敬礼！

ཁ་ཅིག་འདུལ་བ་གཙོར་བྱས་གསང་སྔགས་སྤོང་།།

གཞན་དག་སྔགས་ལ་མོས་བློས་འདུལ་བ་འགོག།

རྒྱལ་བའི་བསྟན་པ་མཐའ་དག་འགལ་མེད་དུ།།

རྫོགས་པར་ཉམས་སུ་ལེན་མཁས་ཁྱོད་ལ་འདུད།།

有者以律为主谤密咒，

余等信解密咒排斥律；

一切胜者教法皆无违，

善巧圆满修持尊前礼！

མཚན་ཉིད་ཕྱོགས་བཟུང་གསང་སྔགས་ཟ་ཆོས་དང་།

སྔགས་ཀྱིས་ཁེངས་ནས་མཚན་ཉིད་ཁ་བཤད་ཙམ།།

མདོ་སྔགས་མཐའ་དག་མ་ཚང་རྫོགས་བྱང་དུ།།

བགྲོད་ཐབས་མེད་པར་གཟིགས་པ་ཁྱོད་ལ་འདུད།།

偏重性相密咒但浅尝，

以咒㤭恃性相仅口谈；

观见不具足一切显密，

无法往趣正觉尊前礼！

ལ་ལ་སྤྱོད་པ་ཞིབ་མོས་ལྟ་བ་འགོག།

ཁ་ཅིག་ལྟ་བ་མཐོན་པོས་སྤྱོད་པ་འདོར།།

ལྟ་སྤྱོད་ཕན་ཚུན་གྲོགས་སུ་ཤར་ནས་ནི།།

དོན་འདི་ལྷག་པར་འདོམས་པ་ཁྱོད་ལ་འདུད།།

有者信解细行遮除见，

有者高抬见解舍行持；

见行互相现为助伴故，

特殊教授此义尊前礼！

འགའ་ཞིག་བཤད་པ་གཙོར་བྱེད་སྒོམ་ལ་སྨོད།།

ལ་ལ་སྒོམ་གྱིས་ཆོག་འཛིན་ལུང་ལ་སྨོད།།

བཤད་སྒྲུབ་གཉིས་ཀས་ལུང་རྟོགས་དམ་པའི་ཆོས།།

ཚུལ་འཛིན་གསལ་མཛད་ཁྱོད་ལ་གུས་པས་འདུད།།

有者讲说为主谤修习，

有者执修为足谤教典；

讲修二为教证正法规，

执持光显尊前恭敬礼！

མདོ་སྔགས་མཐའ་དག་ཁྱད་པར་རྡོ་རྗེའི་ཐེག།

རྒྱུད་སྡེ་མཐའ་དག་ཁྱད་པར་བླ་མེད་དོན།།

རིམ་གཉིས་མཐའ་དག་ཁྱད་པར་སྒྱུ་ལུས་ལ།།

སྔོན་མེད་ལེགས་བཤད་གཏེར་ཆེན་ཁྱོད་ལ་འདུད།།

一切显密别于金刚乘，

一切续部别于无上义，

一切二次第别于幻身，

昔无善说大藏尊前礼！

མདོར་ན་ཐུབ་བསྟན་མཐའ་དག་མ་ལུས་པར།།

བཤད་སྒྲུབ་གཉིས་ཀྱིས་ཆེས་ཆེར་གསལ་མཛད་པས།།

གངས་ཅན་འདི་ན་བསྟན་འཛིན་མཐའ་དག་གིས།།

རྟག་ཏུ་བསྔགས་པར་འོས་པ་ཁྱོད་ལ་འདུད།།

总之无余一切佛圣教，

以讲修二极大善光显，

堪为雪域一切持教者，

恒常称扬赞颂尊前礼！

བདག་ཀྱང་དེང་ནས་ཚེ་རབས་ཐམས་ཅད་དུ།།

བདག་ཉིད་ཆེན་པོ་ཁྱོད་བཞིན་རྒྱལ་བའི་བསྟན།།

བདག་པས་གཞན་གཅེས་ལྷག་བསམ་ཕུལ་བྱུང་གིས།།

བདག་གི་སྲོག་ལྟར་བསྲུང་བར་བྱིན་གྱིས་རློབས།།

我亦从今乃至一切生，

如大悲尊护持胜者教，

爱他胜己殊胜增上意，

如同自命守护祈加持！

ཁྱོད་ལ་གསོལ་བྱས་ཧ་ཅང་མཆོག་འཛིན་གྱི།།

ཕྱོགས་ལྷུང་གདོན་གྱིས་ཐུབ་བསྟན་དཀྲུགས་པ་ཡང་།།

དག་སྣང་ཕྱོགས་མེད་ཐུགས་མངའ་ཁྱོད་ཉིད་ཀྱིས།།

མྱུར་དུ་བསལ་ནས་བསྟན་འཛིན་མཐུན་གྱུར་ཅིག།

愿祈请尊令诸执最胜，

堕党魔类扰乱佛教者，

皆由清净显现无私尊，

速疾遣已和谐持圣教！

ཅེས་གངས་རིའི་ཁྲོད་འདིར་ཕྱིས་ཀྱི་བསྟན་འཛིན་ཆེན་པོ་འགྲན་ཟླ་དང་བྲལ་བ་བློ་བཟང་གྲགས་པའི་དཔལ་གྱི་ངང་ཚུལ་མདོ་ཙམ་དུ་བརྗོད་པ་དད་པའི་པདྨོ་རྒྱས་པར་བྱེད་པའི་བསྟོད་ཚིག་གི་ཉི་མ་ཞེས་བྱ་བ། གཙང་སྟག་ཚང་གི་ལོ་ཙཱ་བ་དགེ་སློང་ཤེས་རབ་རིན་ཆེན་རྒྱལ་མཚན་དཔལ་བཟང་པོས་དགེ་འཕེལ་ཆོས་འཁོར་སྒང་དུ་སྦྱར་བའོ།།

略说此雪山丛中后代大持教者无比洛桑扎巴之行状绽放信莲之赞美文句杲日，由（后）藏达仓译师比丘喜饶仁钦降参吉祥贤撰于增善法轮冈。

公元二O二四年农历十月十五日嘉样智华敬译于拉卜楞寺